Kreu i partisë së majtë norvegjeze Bjørnar Moxnes dha dorëheqjen të hënën pasi vodhi një palë syze dielli luksoze nga aeroporti i Oslos.
Moxnes – i cili drejton Partinë e Kuqe të Norvegjisë, e cila ka tetë ulëse në parlamentin norvegjez – u kap në kamera më 16 qershor duke vjedhur një palë syze dielli Hugo Boss në një dyqan. Pasi pamjet e vëzhgimit të vjedhjes u bënë virale, Moxnes shfaqi probleme shëndetësore në fillim të korrikut.
Të hënën – një ditë para kthimit të tij të planifikuar nga pushimi mjekësor – Moxnes pranoi vjedhjen dhe dha dorëheqjen nga pozicioni i tij. “Shumë njerëz më kanë pyetur se si mund të bëja diçka kaq budallaqe. Këtë e kam pyetur veten shumë herë gjatë javëve të fundit. Nuk kam shpjegim adekuat”, ka shkruar ai në Facebook.
Një ditë më parë, Komiteti Ekzekutiv Kombëtar i Partisë së Kuqe vendosi që Marie Sneve Martinussen të zëvendësojë Moxnes si udhëheqëse partie, e cila kishte mbajtur këtë rol për 11 vitet e fundit.
Martinussen të hënën dënoi vjedhjen dhe mënyrën se si Moxnes e trajtoi skandalin, sepse ai nuk dha “informacion të saktë” për rastin që në fillim. “Jam e zemëruar dhe e zhgënjyer për këtë, dhe këtë ia kam thënë Bjørnar-it në mënyrë shumë të drejtpërdrejtë dhe me gjuhë të drejtpërdrejtë”, tha ajo në një konferencë për shtyp.
Megjithatë, duke qenë se Moxnes kërkoi falje dhe dha dorëheqjen pas skandalit, çështja është “mbyllur” për Martinussen, raportojnë mediat lokale. Martinussen do të jetë lider i partisë deri në vitin 2024.
